Vilayət Eyvazov Qubada vətəndaş qəbulu keçirəcək
![Vilayət Eyvazov Qubada vətəndaş qəbulu keçirəcək](https://img.mediapress.az/news/2024/07/photo_26011.jpg)
1686baxış
Azərbaycan Respublikasının daxili işlər naziri general-polkovnik Vilayət Eyvazov tərəfindən 2024-cü il iyul ayının 18-də Quba Rayon Polis Şöbəsinin inzibati binasında Quba, Qusar, Xaçmaz, Şabran, Siyəzən və Xızı rayonlarının sakinlərinin qəbulu keçiriləcək.
Bu barədə Mediapress.az-a DİN-in mətbuat xidmətindən bildirilib.
Qeyd edilib ki, qəbula yazılmaq istəyən vətəndaşlar Daxili İşlər Nazirliyinin səlahiyyətlərinə aid məsələlərlə bağlı 17.07.2024-cü il tarixədək yaşadıqları ərazinin polis orqanına, habelə DİN-in mia.gov.az internet saytı vasitəsilə və sosial şəbəkələrdəki səhifələrinə müraciət edə bilərlər.
“Qəbula gələnlərdən şəxsiyyət vəsiqəsi tələb olunur”, - məlumatda deyilir.