Dəhşətli qəzada ölən şəxsə 5000 manat, xəsarət alan şəxslərə isə… - Ekspertdən açıqlama
“Yol-nəqliyyat hadisəsi nəticəsində ölən və müxtəlif dərəcəli xəsarət alan şəxslərə sığorta ödənişi verilməlidir”
Mediapress.az xəbər verir ki, bunu bizimyol.info-ya açıqlamasında nəqliyyat məsələləri üzrə ekspert Ərşad Hüseynov deyib.
Ə.Hüseynov bildirib ki, öncə yol-nəqliyyat hadisəsinə düzgün qiymət verilməlidir: “Sərnişin ölübsə, bu hadisə cinayət xarakterli yol-nəqliyyat hadisəsidir. İstintaq təqsirkarın kim olduğunu araşdıracaq”.
Xəbər verdiyimiz kimi bu gün səhər saatlarında Bakı-Qazax avtomagistralının 21-ci kilometrliyində 90-OJ-802 DQN yük maşını 10-TF-383 DQN sərnişin avtobusuna çırpılıb. İlkin məlumata görə, hadisə yük maşınının sürücüsünün sükan arxasında yuxuya getməsi səbəbindən baş verib. Hadisə nəticəsində 1 nəfər ölüb, 10-dan artıq şəxs müxtəlif dərəcəli xəsarət alıb.