Azərbaycan Respublikasının Prezidenti İlham Əliyev və xanımı Mehriban Əliyeva İtaliya Respublikasının Prezidenti Sercio Mattarellaya məktub ünvanlayıb. Mətndə deyilir: 

"Hörmətli cənab Prezident,

Genuya şəhəri yaxınlığında avtomobil körpüsünün uçması nəticəsində insanların həlak olması və itkin düşməsi xəbəri bizi olduqca kədərləndirdi.

Bu faciə ilə əlaqədar Sizə, həlak olanların ailələrinə və yaxınlarına, bütün İtaliya xalqına öz adımızdan və Azərbaycan xalqı adından dərin hüznlə başsağlığı veririk".