"Hazırda Dövlət Gömrük Komitəsinin (DGK) Kinoloji Mərkəzində 60 baş xidməti axtarış iti mövcuddur".

Mediapress.az xəbər verir ki, bunu jurnalistlərə Dövlət Gömrük Komitəsinin Kinoloji Mərkəzin rəisi İlkin Osmanov bildirib.

O qeyd edib ki, Gömrük Komitəsinin Kinoloji Mərkəzi tərəfindən 12 dövlətə xidməti axtarış itləri göndərilib: "Onların təlimçiləri mərkəzimizin bazasında təlim keçiblər. Bir xidməti itin Avropada satışı 10-15 min avro arasındadır. Saxlanma xərci isə, əgər orta alman çoban itindən söhbət gedirsə, bu, qida rasionundan asılıdır. Amma bir xidməti itin birillik saxlanma xərci 1000-2000 manat arasındadır".