Böyük Britaniyanın Baş naziri Tereza Mey hakim Mühafizəkarlar Partiyası sıralarındakı “Brexit” (Britaniyanın Avropa İttifaqından çıxması) tərəfdarlarına yeni vəd verib. 

Mediapress.az “TASS”a istinadən bildirir ki, bunu Birtaniya KİV-i yazıb.

Məlumata görə, hökumət başçısı deyib ki, əgər İcmalar Palatası onun layihəsini təsdiqləyərsə, onda baş nazir vəzifəsindən istefa verməyə hazırdır. 

Bildirilib ki, martın 24-də Baş nazir Çekersdəki iqamətgahında Nazirlər Kabinetinin üzvləri ilə görüşüb və onlara istefaya gedəcəyini vəd verib.

Qeyd edək ki, İcmalar Palatası yanvarın 15-i və martın 12-də T.Meyin hazırladığı layihəni təsdiqləməyib.