Cənubi Afrika Respublikasında səfərdə olan Zimbabve prezidenti Emerson Mnanqaqva sələfi Robert Muqabenin vəfat etməsi ilə bağlı Keyptaundan vaxtından əvvəl ayrılaraq vətənə dönüb.

“Mediapress.az” RİA “Novosti”yə istinadən xəbər verir ki, prezidentin sözçüsü Corc Çaramba dövlət başçısının Afrika üzrə Dünya İqtisadi Forumunda (World Economic Forum on Africa) iştirak etmək üçün sentyabrın 3-də CAR-a getdiyini bildirib.

Xatırladaq ki, Zimbabvenin sabiq prezidenti 95 yaşlı Robert Muqabe Sinqapurdakı xəstəxanada bu gün səhər vəfat edib.