Gömrük Akademiyasının məzunları gömrük xidmətində işlə təmin olunurlar
1633baxış
Dövlət Gömrük Komitəsinin Akademiyasını bitirən məzunlara gömrük xidmətində işləmək imkanı verilir. Akademiyanın məzunları Dövlət Gömrük Komitəsinin rəhbərliyinin müvafiq əmri ilə müsabiqədən kənar işə qəbul olunurlar.
2018/2019-cu tədris ilində Akademiyanı “Hüquqşünaslıq” və “İqtisadiyyat” ixtisası üzrə bitirən məzunların Dövlət Gömrük Komitəsinin müxtəlif struktur bölmələrində işə qəbul prosesi artıq başa çatıb.
Mediapress.az xəbər verir ki, bununla yanaşı, 2017/2018-ci tədris ilində Akademiyanı bitirən həqiqi hərbi xidmətini başa vurmuş ilk məzunların hər biri bu il müsabiqədən kənar gömrük xidmətinə işə qəbul ediliblər.
Beləliklə, təhsilini davam etdirməyən və həqiqi hərbi xidmətini başa vurmuş Akademiyanın bütün məzunları gömrük xidməti orqanlarında işlə təmin olunublar.
