Ermənistanın milli təhlükəsizlik xidmətinin sabiq direktoru, hazırda Vətən partiyasının lideri Artur Vanetsyan işğal altındakı Azərbaycan ərazilərinə gəlib.

 

Mediapress.az musavat.com-a istinadən xəbər verir ki, işğalçı ölkənin mətbuatı Vanetsyanın Qarabağa “işgüzar səfər etdiyini” yazıb. Keçmiş xidmət rəhbəri oyuncaq “parlament sədri” Artur Tovmasyanla görüşüb. Bundan əlavə, o, separatçı rejimin “təhlükəsizlik şurası”nın katibi, “Vahid Vətən” partiyasının başçısı Samvel Babayanla bir araya gəlib. Qeyd edək ki, Nikol Paşinyana qarşı etirazların fonunda Qarabağa İrəvandan təşkil olunan qanunsuz səfərlər xeyli intensivləşib.