Qarabağdakı Rusiya sülhməramlılarının olduğu avtomobil qəzaya düşüb.

Virtualaz.org bildirir ki, bu barədə “Sputnik Ermənistan” məlumat yayıb.

Bildirilir ki, hadisə Xankəndi-Əsgəran yolunun 4 kilometrliyində baş verib.

“Suzuki Vitara” markalı avtomobil Rusiya sülhməramlılarının olduğu “Ural” markalı yük maşını ilə toqquşub. Qəza nəticəsində “Suzuki”nin sürücüsü və sərnişin yerindəcə ölüb. Onların şəxsiyyətləri dəqiqləşdirilir.

Qəzanın pis hava şəraiti səbəbindən baş verdiyi deyilir.