Mediapress.az-ın məlumatına görə, 23 aprel 2021-ci il tarixində Füzuli-Horadizdə Ailə, Qadın və Uşaq Problemləri üzrə Dövlət Komitəsi və BMT-nin İnkişaf Proqramının birgə təşkilatçılığı ilə reallaşdırılan İcma Resurs Mərkəzinin açılış mərasimi keçirilib.

"Azərbaycanın Füzuli-Horadiz, Ağcabədi və Tərtər rayonlarında əhalinin ən həssas qruplarının tezliklə bərpa edilməsi və icmanın dayanıqlılığının təmin edilməsi" layihəsi çərçivəsində həyata keçirilən açılış mərasimində Dövlət Komitəsinin sədri Bahar Muradova, sədr müavini Sədaqət Qəhrəmanova, Füzuli rayon icra hakimiyyətinin başçısı Alı Alıyev, BMTİP-in Rezident Nümayəndəsi  Alessandro Frakassetti və digər qonaqlar iştirak ediblər.

Əvvəlcə Ümummilli lider Heydər Əliyevin abidəsi ziyarət olunub, məzarı önünə çiçəklər düzülüb. Daha sonra tədbir iştirakçıları Şəhidlər xiyabanını ziyarət edərək, Vətən uğrunda şəhid olan oğullarımızın əziz xatirəsini yad ediblər.

Salamlama nitqi ilə çıxış edən Füzuli rayon icra hakimiyyətinin başçısı Alı Alıyev qonaqlara Ermənistanın təcavüzü nəticəsində sivil vətəndaşlara qarşı törədilən terror cinayətləri barədə məlumat verib. O, həmçinin qeyd edib ki, dövlət qurumları ilə yanaşı beynəlxalq təşkilatların da bu məsələyə olan münasibəti bizi məmnun edir.

Biz inanırıq ki, vətəndaşlarımız xidmətlərdən səmərəli istifadə edəcəklər.

Tədbirdə iştirak edən  Dövlət Komitəsinin sədri Bahar Muradova mərkəzin açılışı münasibətilə iştirakçıları təbrik edib, həmçinin belə bir təşəbbüsün həyata keçirilməsində iştirak edən hər kəsə təşəkkürünü bildirib.

 B.Muradova əlavə edib ki, Füzuli, Ağcabədi və Tərtər rayonlarında açılışı gerçəkləşən İcma Resurs Mərkəzlərinin ilk növbədə əhalinin həssas qruplarına və onların sosial-iqtisadi problemlərinin həllinə hərtərəfli dəstək göstərməsini nəzərdə tutan ilkin bərpa və icmanın dayanıqlılığının təmin edilməsi proqramının əhəmiyyətli bir hissəsidir.

Qeyd edilib ki, fəaliyyət göstərəcək 3 mərkəz müharibədən zərərçəkmiş icmaların təcili ehtiyaclarının müəyyənləşdirilməsinə kömək edəcək və əsas diqqəti qadınlar, uşaqlar və əlilliyi olan şəxslərə yönəltməklə zərərçəkmiş vətəndaşlara yaşayış imkanları, psixososial və biznes məsləhət xidmətləri daxil olmaqla sosial-iqtisadi bərpa dəstəyinin verilməsini təmin edəcəkdir.

Bahar Muradova vurğulayıb ki, bu layihə eyni zamanda, qadınların əmək bazarına çıxış imkanlarının artırılması, onlar arasında sahibkarlığın və özünüməşğulluğun inkişaf etdirilməsi, peşə hazırlığının təkmilləşdirilməsinə kömək edəcək. Biz inanırıq ki, vətəndaşlarımız xidmətlərdən səmərəli istifadə edəcəklər.

Tədbirdə iştirak edən  Dövlət Komitəsinin sədri Bahar Muradova mərkəzin açılışı münasibətilə iştirakçıları təbrik edib, həmçinin belə bir təşəbbüsün həyata keçirilməsində iştirak edən hər kəsə təşəkkürünü bildirib.

B.Muradova əlavə edib ki, Füzuli, Ağcabədi və Tərtər rayonlarında açılışı gerçəkləşən İcma Resurs Mərkəzlərinin ilk növbədə əhalinin həssas qruplarına və onların sosial-iqtisadi problemlərinin həllinə hərtərəfli dəstək göstərməsini nəzərdə tutan ilkin bərpa və icmanın dayanıqlılığının təmin edilməsi proqramının əhəmiyyətli bir hissəsidir.

Qeyd edilib ki, fəaliyyət göstərəcək 3 mərkəz müharibədən zərərçəkmiş icmaların təcili ehtiyaclarının müəyyənləşdirilməsinə kömək edəcək və əsas diqqəti qadınlar, uşaqlar və əlilliyi olan şəxslərə yönəltməklə zərərçəkmiş vətəndaşlara yaşayış imkanları, psixososial və biznes məsləhət xidmətləri daxil olmaqla sosial-iqtisadi bərpa dəstəyinin verilməsini təmin edəcəkdir.

Bahar Muradova vurğulayıb ki, bu layihə eyni zamanda, qadınların əmək bazarına çıxış imkanlarının artırılması, onlar arasında sahibkarlığın və özünüməşğulluğun inkişaf etdirilməsi, peşə hazırlığının təkmilləşdirilməsinə kömək edəcək.