Trampla Putinin görüşü təsdiqləndi: Nələr danışılacaq?
1645baxış
ABŞ Prezidenti Donald Trampla Rusiya lideri Putin G20 çərçivəsində ikitərəfli görüş keçirəcəklər.
Bu barədə Ağ Evin mətbuat katibi Sara Sanders məlumat verib. O bildirib ki, sammit zamanı Trampın bir neçə liderlə görüşü nəzərdə tutulur:
“ABŞ Prezidenti bir çox liderlə, o cümlədən Argentina və Rusiya prezidentləri, Yaponiya baş naziri, Almaniya kansleri ilə görüşəcək”.
ABŞ Prezidentinin milli təhlükəsizlik müşaviri C.Bolton isə müzakirə olunacaq məsələlərə aydınlıq gətirib:
“Düşünürəm ki, təhlükəsizlik, silahlara nəzarət, Yaxın Şərq də daxil olmaqla, regional məsələlər və s. müzakirə ediləcək”.
Qeyd edək ki, G20 sammiti 30 noyabr-1 dekabrda Argentinada keçiriləcək. (axar)
