Aokigahara meşəsi Yaponiyada fuji dağının ətəyində təbii zənginliyi ilə seçilən, turistlərin tez-tez gəldiyi iqamətgahlardan biridir.

Yerli və xarici turistlər buraya Fuji dağının gözəlliklərini görmək, şəkil çəkdirmək və istirahət etmək məqsədilə gəlirlər. Burada məxsusi olaraq insanların yürüyüşü üçün cığırlar düzəldilib və insanların bu cığırlardan çıxmamaları xahiş olunur. İnsanlar da bu qaydalara əməl etməli olduqlarını yaxşı bilirlər. Çünki bu cığırlardan kənara çıxanların sonu heç də yaxşı qutarmır. Sıx meşə örtüyü insanın yolunu azmasına səbəb ola bilir. Lakin əsas təhlükəli məqam sıx meşə örtüyü deyil.

Minval.İnfo xəbər verir ki, burada azan insanların çoxu meşədə intihar edir və bu intiharların səbəbi hələ heçkəsə məlum deyil. Bir çoxları burada intihar edənlərin məşhur yapon yazarı Seiço Matsumotonun əsərlərindən ilham alaraq öz canlarını aldıqlarına inanır. Çünki bu yazarın ən məşhur əsərlərindəki personajlar bu meşədə intihar ediblər. Bu meşənin girişinə gəldikdə bura intihar üçün gəlmiş insanların ot basmış maşınları meşənin nə dərəcədə qorxulu bir yer olduğunu sübut edir.

Meşənin daxilinə “Zibil atmayın”, “yanğın törədməyin” yazıları yerinə “Həyatınıza qəsd etməyin, bu həyat sizə verilmiş bir hədiyyədir”. “Ailənizi düşünün” və s kimi yazılı lövhələr yerləşdirilib. Meşənin dərinliklərinə doğru irəlilədikcə özlərini ağaclara bağlamış, ağac dibində dərmanlarla itihar etmiş cəsədlər gün üzünə çıxır. Bəziləri burada çadır qurubvə çadırın içərisində intihar ediblər.

Bu meşədə polislər hər dəfə axtarışa çıxdıqda ən az bir cəsədlə qarşılaşırlar. Buraya gələn insanların sayını azaltmaq üçün ölənlərin sayı rəsmi olaraq açıqlanmasa da, hər il meşədə 50-100 arası insanın intihar etdiyi düşünülür. Bu meşəyə aid hətta film belə çəkilib. “The forest” adlı kinoda əsas mövzu intihar meşəsi olub.

Mediapress.az