Xalq artisti Emin Ağalarov Ermənistanın sərhəddə törətdiyi təxribatlar nəticəsində şəhid olan Azərbaycan əsgərləri ilə bağlı paylaşım edib.

Mediapress.az bizim.media-ya istinadən xəbər verir ki, sənətçi bir neçə həftə əvvəl təşkil edilən Kəlbəcər konsertindən görüntülər paylaşaraq əsgərlərə səslənib.

"Bu yaxınlarda Vətənimizin gözəl guşələrindən biri olan Kəlbəcərdə cəsur hərbçilərimiz üçün populyar artistlərlə birgə konsert vermişdik. Bu gün isə münaqişənin yenidən başlanması ilə bağlı Vətən qoruyucularına güc və mərdlik arzulayırıq! Azərbaycan sizinlədir" - deyə, Emin bildirib.

Qeyd edək ki, sentyabrın 13-ü gecə saatlarından başlayaraq Ermənistan silahlı qüvvələri Daşkəsən, Kəlbəcər və Laçın istiqamətində Azərbaycan Ordusunun mövqelərini atəşə tutması nəticəsində sərhəddə toqquşmalar baş verib. Müdafiə Nazirliyinin açıqladığı məlumata görə, hərbi toqquşmalarda Azərbaycan Ordusu 50 şəhid verib.