Xalq artisti Aygün Kazımovanın "Etiraf" klipinin rejissoru Selim Akar ekran işinin çəkildiyi anları bölüşüb.

Axşam.az xəbər verir ki, rejissor Pop kraliça ilə işbirliyinin pərdəarxası məqamlarından danışıb:

"200 nəfərin çalışdığı böyük bir prodakşınla Aygün Kazımovanın "Etiraf" mahnısının klipini çəkdik. Onun bütün Azərbaycan xalqının ürəyinə toxunan həyat hekayəsi və zirvəyə gedən yolunu bu klipdə təsvir etmək böyük bir xoşbəxtlikdir. Arxa plandakı böyük enerjimi təsəvür etdirən bu layihədə Aygün Kazımovanın daxili aləminin etirafını musiqili təqdim etdik. Bu, sadəcə mahnı deyil. Bu, sənətçinin ruhunun dərinliklərinə gedilən bir səyahətdir. Klip Hollivud texnologiyalarının İstanbula gətirildiyi və tək dubla çəkilən bir layihədir. Varol Şahinin sayəsində hər səhnə bir sənət əsərinə çevrildi. Onun əvəzsiz baxış bucağı izləyiciyə təsir edən bir bayram ab-havası yaratdı. Bu əsər Aygün Kazımovanın zirvəyə gedən, duyğulu, səyahətinin bir əksidir. Hazır olun. Çünki bu sadəcə bir mahnı deyil, bir əfsanənin zirvəyə yüksəlişidir. Film kimi çəkildi, peşəkar aktyorlar iştirak gətirdi. Hollivudu İstanbula gətirdik".

Makiyaj ustası Andre Şihan isə A.Kazımovanın yağış altında çəkilən fotosundan bəhs ecib. O bildirib ki, şəkil səhər saat 7:30-da, gecə səhərə qədər çəkiliş edildikdən sonra, soyuq havada lentə alınıb.  

Qeyd edək ki, sözləri Nəriman Abbaszadə və İsmayıl Əsədov, musiqisi İsmayıl Əsədova məxsus olan mahnının ekran həlli məşhur türkiyəli rejissor Selim Akara həvalə edilib. Mahnının musiqi prodüseri Stefani Mgebrişvilidir.