\
29 Mart 2024 - Cümə

Güləşçilərimiz yarımfinala yüksəldi

Güləşçilərimiz yarımfinala yüksəldi
1568baxış

Bu gün güləşçilərimiz Hacı Əliyev və Mariya Stadnik Tokio-2020 Yay Olimpiya Oyunlarında yarımfinala yüksəliblər.

Mediapress.az xəbər verir ki, 65 kiloqram çəki ilə çıxış edən Hacı Əliyev 1/8 final mərhələsində seneqallı Adama Diatta ilə üz-üzə gəlib.

Rəqibinə 4:0 hesabı ilə qalib gələn Əliyev 1/4 finala vəsiqə qazanıb. O, bu raundda qazaxıstanlı Daulet Niyazbekovla güləşib. Rəqibinə 9:1 hesabı ilə qalib gələn Əliyev yarımfinala vəsiqə qazanıb. Əliyev növbəti raundda hindistanlı Bacranq Puniya ilə qarşılaşacaq.

Azərbaycanın qadın güləşçisi Mariya Stadnik 50 kiloqram çəki ilə 1/8 finalda rusiyalı Stalvira Orşuşla üz-üzə gəlib.

Rəqibinə 9:7 hesabı ilə qalib gələn Stadnik 1/4 finala yüksəlib. O, bu mərhələdə tunisli Sarra Hamdini 10:0 hesabı ilə üstələyərək yarımfinala çıxıb. Stadnik finala gedən yolda yaponiyalı Yui Susaki ilə üz-üzə gələcək.