\
3 Mart 2024 - Bazar günü

DÇ-2022-də iştirak edən komandaların pul mükafatının məbləği - SİYAHI + FOTO

DÇ-2022-də iştirak edən komandaların pul mükafatının məbləği - SİYAHI + FOTO
1387baxış

2022-ci ildə Qətərdə keçirilən futbol üzrə dünya çempionatında çıxış edən milli komandaların pul mükafatı açıqlanıb.

Məlum olub ki, Beynəlxalq Futbol Federasiyası (FIFA) bunun üçün 440 milyon dollar ayırıb.

Beləliklə, turnirin qalibi Argentina millisi 42 milyon, ikinci yeri tutan Fransa 30 milyon, üçüncü yerdə qərarlaşan Xorvatiya 27 milyon, dördüncü olan Mərakeş 25 milyon dollar alacaq.

Turniri 1/4 final mərhələsində tərk edən komandaların hər biri 17 milyon dollar alacaq. Bunlar İngiltərə, Braziliya, Portuqaliya və Niderlandın milli komandalarıdır.

1/8 finalda çıxan komandaların - Seneqal, ABŞ, Polşa, Avstraliya, Yaponiya, İspaniya, İsveçrə, Cənubi Koreya - hər biri 13 milyon qazanıb.

Qrup mərhələsini adlaya bilməyən Ekvador, Qətər, İran, Uels, Meksika, Danimarka, Səudiyyə Ərəbistanı, Tunis, Kanada, Almaniya, Serbiya, Belçika, Kosta-Rika, Uruqvay, Kamerun, Qananın milli komandalarının hər biri isə 9 milyon qazanıb.

 

 

Mənbə: NBC Sports