"Qarabağ"ın UEFA Avropa Liqasının pley-off mərhələsindəki rəqibi Portuqaliyanın "Braqa" klubu rəsmi "X" hesabından paylaşım edib.

"Report" xəbər verir ki, videoda Bakının müxtəlif yerlərindən görüntülər əks olunub.

Paylaşımda "Bakı xüsusidir" yazılıb.

Qeyd edək ki, fevralın 22-də keçiriləcək “Qarabağ” – “Braqa” oyunu saat 21:45-də başlanacaq. İlk görüşdə Azərbaycan çempionu qələbə qazanıb - 4:2.