Fransa millisinin hücumçusu Kilian Mbappe DÇ-2018-də zədəli vəziyyətdə oynayıb.

Qol.az-ın "L'Equipe"yə istinadən yaydığı xəbərə görə, o, yarımfinalda Belçika ilə oyundan əvvəl kürəyindən zədələnib. Üç fəqərəsindən problem yaşayan 19 yaşlı hücumçu Fransa həkimlərinin səyləri nəticəsində son matçlarda iştirak etməyi bacarıb.

Qeyd edək ki, K.Mbappe finalda Xorvatiyaya 4:2 hesabı ilə qalib gəldikləri görüşdə bir qol vurub. O, turnirin ən yaxşı gənc oyunçusu seçilib.

Mediapress.az