"Ağ canavar" IV yubileyini cəmi 2 nəfərlə qeyd edir

Bu gün tanınmış kikboksçu, “Ağ  canavar” ləqəbli fəxrimiz Eduard Məmmədovun doğum günüdür.

Xatırladaq ki, Eduard Tofiq oğlu Məmmədov 2 yanvar 1978-ci ildə Bakı şəhərində anadan olub. Polis polkovnik-leytenantı, 15 qat Azərbaycan, 23 qat dünya çempionudur.

Eduard Məmmədovun Mediapress.az-a verdiyi məlumata görə, o, bu il ad gününü təmtəraqlı şəkildə qeyd etməyi düşünmür:

- 40 yaşım olur. Deyilənə görə, 40 illiyi etməzlər, düşər-düşməzliyi var. Ona görə mən də geniş ad gününə ehtiyac duymadım. Hazırda oğlum Raul və ən yaxın dostum Rafiqlə şəhərdəki kafelərin birindəyik. Elə-belə oturmuşuq "Tarqovi"dakı "Dolma" restoranında. 

P.S. Kollektivimiz və Azərbaycan idmançıları adından Eduar Məmmədovu ad günü münasibətilə təbrik edirik. Daima bayrağımızı ucaldan "Ağ canavar”ımıza hər zaman üzümüzü ağartmağı arzulayırıq!

Hazırladı: Şəlalə Nəriman